Uda honetan zehar udalerrietan jaiak ez egiteko Nafarroako osasun agintariek egindako gomendio publikoarekin bat etorriz, Antsoaingo Udalaren osoko bilkurak onartu du, talde politiko guztien adostasunarekin, 2021eko Antsoaingo jaiak bertan behera uztea.
Iaz bezala, udan zehar askotariko kultur programazioa egingo da, osasun segurtasuneko eta edukiera kontrolatzeko neurriekin. Horretarako, karpa bat jarriko da herriko Rafael Alberti plazan.
