Ikasturtea hastearekin batera, Aranguren Ibarreko Ludotekak berriz ere ateak irekiko dizkie 2010 eta 2018 bitartean jaio eta beren denbora librea jolas eta jardueren bidez arindu nahi duten Ibarreko haur guztiei. Ludoteka Mutiloako Idoi plazan dago (astelehenetik ostiralera) eta LARUNBATETAN Eguzki plazako Kultur Etxeko kanpoko aretoan, 17:00etatik 19:00etara.
Halaber, Aranguren Ibarreko Ludotxiki Zerbitzua ere martxan jarriko da. Ludotxikiko ateak zabalik daude beren 0 eta 3 urte bitarteko haurrekin joan nahi duten guraso guztientzat. Bertan, haien aisialdia arindu ahalko dute jolas eta jardueren bidez. Ludotxikiak, aurretik adierazitako datetan, begiraleen laguntza izanen du. Egun horietan gurasoei zuzendutako jarduerak egingo dira: haurren yoga, haurren masajea, kamishibai ipuinak… eta bestelako gaiei buruzko oinarrizko ezagutzak eskaintzeko.
Ludotxikira haurrek adingabearen ardura hartuko duen heldu batekin joan beharko dute beti. Ludotxikia Mutiloako Kultur Etxeko kanpoko aretoan dago (Eguzki plaza), astearte eta ostegunetan, 17:00etatik 19:00etara.
Ludotekan, Adinaren arabera jarduera ezberdinak eginen dira. 4-7 urte bitarteko taldea Esploratzaile Txikiak izango dira eta 8-12 urte bitarteko taldea Aisia eta denbora librearen Kluba. Euskarazko eguna osteguna izanen da eta ikasturtea urriaren 1ean hasiko da. Kuoten, taldeen eta ordutegien inguruko informazioa ludotekan bertan ala udalaren webgunean kontsulta daitezke.
