Ardoi Eskubaloi Klubak Fede Díaz-Guerra I. Memoriala antolatu du uztailaren 9an 65 urte zituela hil zen klubaren sortzailea eta Ohorezko lehen bazkidea izan zenaren omenez. Federico Díaz-Guerra Vico Nafarroako Eskubaloi Federazioko presidente ere izan zen eta oso maitatua zen kirol hau maite zutenen artean.
Urriaren 8tik 12ra bitartean egingo da memoriala Zizur Nagusian, eskubaloiaren praktika sustatzeko helburuarekin. Horretarako, doako jarduerak egingo dira, publiko orokorrarentzat irekiak, adingabeentzat, familientzat, entrenatzaileentzat eta eskubaloiko jokalarientzat. Elkartearen asmoa ekitaldi-agenda hau Zizur Nagusiko jaiekin bat datorren urteroko ekitaldi gisa programatzea da.
Jarduerak gaur hasiko dira, txikienei eta haien familiei zuzendutako hainbat jolas-jarduerarekin: eskubaloia kalean, eskubaloi akrobatikoa eta eskubaloi jokoak puzgarriekin.
Urriaren 11n, astelehenean (19: 30etik 20: 30era), Endokrinologian eta Nutrizioan espezialista den Medikuntzako profesional batek entrenatzaileei eta gurasoei zuzendutako hitzaldi-solasaldia emango du. Udal kiroldegiko Kluben Aretoan izango da. Sarrera librea da lekua bete arte.
Urriaren 12an, asteartean berriz, Fede Díaz-Guerra omenduko dute haren omenezko I. Memoriala ospatzeko. Hainbat partida jokatuko dira udal kiroldegian. Sarrera librea da.
