Berriobeitiko Euskara Zerbitzuak euskararen inguruko ziklo bat antolatu du haur txikiak dituzten familiei zuzendua. Zikloa 3 eta 7 urte bitarteko haurrak dituzten familientzako bi tailerrekin hasiko da. Helburua familian jolasak ikastea eta praktikatzea da. Lehen tailerra urriaren 25ean, astelehena, Berriobeitin eginen da eta bigarrena azaroaren 3an, asteazkena, Artikan. Urriaren 25eko tailerrerako izen-ematea urriaren 18tik 21era egin daiteke eta azaroaren 3ko tailerrerako urriaren 27tik azaroaren 2ra izanen da. Ordutegiak eta bestelako informazioa udalaren webgunean aurki daiteke eta tailerretarako parte hartzea doakoa izanen da.
