Atarrabian, Chi Kung eta Biodantza ikastaro berria antolatu dute emakumeentzako goizez eta arratsaldez. Izen emateak abenduaren 29ra arte egonen dira zabalik telefonoz eta 20 euroko prezioa izanen dute. Datak eta ordutegiak kontsultatzeko, udalaren webgunera jo daiteke. Bestalde, Atarrabiako guraso eskolan izen emateko epea ere zabalik da jada, abenduaren 23ra arte 012 telefonoaren bitartez eta 10 euro ordainduta. Gurasoen eskola gogoeta egiteko, ikasteko, partekatzeko eta laguntza emateko gunea da. Bi talde desberdinduko dira, bata 3 eta 6 urte bitarteko haurrak dituztenentzako eta bestea 7 eta 11 urte bitarteko seme alabak dituztenentzat. Jarduera hau, ostegunetan burutuko da kultur etxean, arratsaldeko 5etatik 6:30etara eta taldeak txandakatuz joango dira, hau da, aste bakoitzean talde bat elkartuko da. Hala ere, data konkretuak udalaren webgunean ikus daitezke.
Gaia aldatuz, eta eguberrietara begira, gazteri eta kirol arloak jarduerak antolatu ditu 12 eta 15 urte bitarteko gazteentzat. Abenduaren 23, 28, 30 eta urtarrilaren 4ean Zumba tailerra, TBC, Indoor zikloa eta Kardio boxa eginen dituzte arratsaldeko 6etatik 7etara Martiketeko kirol instalazioetan. Bestalde, abenduaren 27, 29 eta urtarrilak 3 eta 4ean, eskalada hastapen tailerrak egingo dira 7etatik 8etara 16 eta 29 urte bitarteko gazteentzat. Jarduera honetarako, erroldatuek 10 euro oraindu beharko dituzte eta erroldatu gabeek 20. Gainera, izen emateak abenduaren 21a baino lehen egin beharko dira 012ra deituz.
Horretaz gain, 2004, 2005, 2006 eta 2007 urteetan jaiotako gazteentzat, gazte bizi plus negua programa prestatu dute. Ostiraletan 7etatik 9etara gaztelekuan. Programa urtarrilaren 14ean hasiko da eta apirilaren 9ra arte iraunen du. Izen emateko azken eguna gaur izango da 012 infolokalera deituz eta 30 euroko prezioa izanen du erroldatuentzat eta bikoitza gainontzekoentzat. Programa honen barne, jarduera eta ekintza desberdinak egingo dira, hala nola, irteerak, jolasak, abenturak, kanpaldiak, tailerrak, etab. Gainera, 2008 eta 2009 urteetan jaiotakoentzat, gazte bizi negua izanen da ostiraletan 6etatik 8tara eta larunbatetan 6:30tatik 8:30tara gaztelekuan. Hemen ere, gaur izango da apuntatzeko azken eguna, infolokalera deituz eta 45 euroko prezioa ordainduz erroldatuek.
Gabonetan gazte aisia bonoak ere egongo dira 12 eta 17 urte bitarteko gazteentzat. Abenduaren 27an rokopolisera irteera eginen dute, abenduaren 29an, Nafarroako museora eta alde zaharrera, urtarrilaren 3an eureka zientzia museora eta 7an irati abodira. Izen emateak, abenduaren 21era arte egin daitezke telefonoz, eta erroldatuek 35 euro oraindu beharko dituzte. Eta horretaz gain, urtarrilaren 4ean backflip nafarroara joateko aukera egongo da 8 euro ordainduta.
