Uharten, konpartsak bideo bat aurkeztu du 70.urteurrena dela eta.

 

Bertzalde, Uharteko kulturaren diagnostikoa egiteko parte-hartze prozesua ere aurkeztu zuten maiatzaren 20ean. Laura Aznar Uharteko Udaleko kultura zinegotziak adierazi zuenez, diagnostiko honek Uharteko alderdi politikoa, teknikoa, asoziatiboa eta herritarrak inplikatu nahi ditu, etorkizuneko Kulturaren Plan Estrategikoaren oinarriak ezartzeko. Ondoren, Oihane Uribeetxebarria Udaleko kultura teknikariak azaldu zuen azterketa honek, besteak beste, honako esparru hauek izango dituela ardatz: programen eta ekimenen balorazioa; kultur ekipamenduak eta zerbitzuak; udalerriko kulturarekin lotutako elkarte sarea eta kultur eragileak; kultur arloko gobernantza eta parte-hartze eredua, etab.

Ekitaldian hainbat kultur eragile izan ziren, baita Uharteko herritarrak eta Udaleko ordezkari politikoak ere. Profesionalen, elkarte-sarearen eta herritarren parte-hartzea funtsezkoa izango da diagnostiko partekatua eraikitzeko.

Nekane Basterretxeak, Ikerpartners enpresako aholkulariak, diagnostikoa garatzeko esleipendun izan denak, herritarrek eta udalerriko kultur eragileek kulturaren inguruan dituzten ikuspegi desberdinak jasotzeko abian jarriko diren ekintza parte-hartzaileak azaldu zituen.

Uharteko kulturaren inguruko ideiak eta gogoetak jasotzeko hainbat bide irekiko dira. Bata, Herritarrei zuzendutako inkesta, azpiegiturei, kultura-eskaintzari, eragileei, estrategiei, kultura-kontsumoko ohiturei eta ereduei eta abarri buruzko balorazioak eta iritziak jasotzeko. Eta bestea, Hausnarketa-laborategiak herritarrekin eta kultura-eragileekin, identifikatutako diagnostiko-elementuetan sakontzeko eta inkestatik lortutako ideiak, proposamenak, balorazioak eta ikaskuntzak kontrastatzeko.

Prozesuari buruzko informazioa Udalaren webgunean, tokiko komunikabideetan eta Kultur Etxeko sare sozialetan zabalduko da. Prozesua apirilean hasi zen, eta diagnostikoaren azken txosten batekin eta Plan Estrategikoaren ildoen zirriborroarekin amaituko da. 2021. urtearen bukaeran egingo den jendaurreko aurkezpenean