Zizur Nagusiko eta Zizur Zendeako udalek bilera egin dute, bi udalerrien arteko lotura hobetzeko ekintza zehatzak ezartzeko.
Alde batetik, Lurralde Kohesiorako Departamentuari bi udalerriak lotzen dituen NA-6053 errepidean oinezkoen eta bizikleten arteko lotura egiteko eskatzea erabaki dute; Zizur Nagusiko hilerriaren parean eta Zizur Txikiko Miravalles ikastetxearen ondoan bi biribilgune sortzeko aukeraz gain.
Bestalde, Iruñerriko Mankomunitatearekin negoziazio bateratuak hasiko dira, bi udalerriak Eskualdeko Hiri Garraioaren (EHG) bidez konektatuta egon daitezen, aurreko legegintzaldian egindako proposamena berreskuratuz.
Azkenik, Zizur Nagusiaren eta Gatzolatzen artean oinezkoentzako eta bizikletentzako bidea egiteko aukeraren alde agertu dira bi udalak, bertako bizilagunei hiriko zerbitzu eta garraioetarako sarbidea erraztuz.
